Хамгийн чухал эрхтэн болох тархины эрүүл мэнд, фитнесийн талаар мартаж болохгүй. Бидний ихэнх нь өдөр бүр тархинд муу зуршлуудад автдаг. Дараах таван хүчин зүйл таны тархинд сөргөөр нөлөөлдөг болохыг анхаараарай.
1. Хэт их давсны хэрэглээ
JAMA Neurology сэтгүүлд нийтлэгдсэн судалгаагаар давс нь цусны даралтыг нэмэгдүүлдэг нэг хүчин зүйл болохыг баталсан. Давс их хэмжээгээр хэрэглэснээр цусны даралт ихсэх эрсдлийг нэмэгдүүлдэг бөгөөд улмаар энэ нь танин мэдэхүйн дутагдал, тархинд цус харвах эрсдлийг үүсгэдэг болохыг нотолж байна.
2. Нойрны дутагдал
Нойр дутуу явснаар анхаарал төвлөрөхгүй байх, анхаарал сулрах, сэтгэцийн байдал болон зан авирт өөрчлөлт гардаг. Үүнээс гадна тасралтгүй унтах нь таны ой санамжинд муугаар нөлөөлж, тархинд урт хугацааны сөрөг нөлөө үзүүлдэг. Нойр дутуу байснаар тархины механизмууд нь хангалттай идэвхиждэггүй гэсэн үг бөгөөд ингэснээр тархийг хортой бодисоос цэвэрлэж чадахгүй гэсэн үг юм.
3. Хэт их дуу чимээтэй орчин болон байнга муу зүйл сонсох
Их дуу чимээ тархинд муугаар нөлөөлдөг. Жон Хопкинс их сургуульд явуулсан судалгаагаар сонсголын бэрхшээлтэй хүмүүс танин мэдэхүйн доройтолд өртөх магадлал 30 – 40% -тай байдаг. Тиймээс бид хэт их дуу чимээнээс чихээ аль болох хамгаалах нь ухаалаг хэрэг юм.
4. Хэт их хоол хүнс
Эрүүл хооллох зөвлөмж нь таны биеийн эрүүл мэндэд төдийгүй тархинд маш чухал ач холбогдолтой юм. 2012 онд Neurology сэтгүүлд нийтлэгдсэн судалгаагаар жингийн илүүдэлтэй хүмүүсийн танин мэдэхүйн үйл ажиллагаа хэвийн жинтэй хүмүүстэй хаьцуулахад муу байжээ. Судалгаанд 50 настай 6000 хүнийг хамруулсан бөгөөд 10 жилийн дараа дахин шалгахад үр дүн нь илүүдэл жинтэй хүмүүс танин мэдэхүйн үйл ажиллагаа нь хэвийн жинтэй хүмүүстэй харьцуулахад 22% дорой хэмээн гарчээ.
5. Ганцаардал
Ганцаараа байх нь тархинд стресс, үрэвслийн процесс үүсгэдэг ганцаардлын мэдрэмжийг өдөөж чаддаг. Чикаго дахь Rush их сургуулийн анагаах ухааны төв нийгмийн хамгийн бага холбоо бүхий 80-аас дээш насны 100 гаруй хүний дунд судалгаа явуулсан бөгөөд тэд танин мэдэхүйн хамгийн их доройтолд өртсөн гэдэг дүгнэлт гарчээ.
Мэдээжийн хэрэг, таны тархины эрүүл мэнд олон янзын хүчин зүйлээс хамаардаг. Гэхдээ тархи бол таны хамгийн эрхэм найз юм. Аз жаргалгүй тархи таныг аз жаргалгүй болгоно гэдгийг анхаараарай.