LOADING

Type to search

Зөвлөгөө

Хүүхэд хэт их уурлаж бухимдах нь ямар учиртай вэ?

Share

Зарим хүүхэд хэт их уурлаж бухимдах нь ажиглагддаг. Уурлаж бухимддаг хүүхэд гэр бүлийнхэндээ хүндрэл учруулж, болох болохгүй газар иймэрхүү зан ааш гаргаж эвгүй байдалд оруулдаг. Хүүхэд, айлд зочилж байхад, худалдаа хийж байхад эсвэл хаана ч хамаагүй тэрийн унаж уурлаж, ааш авир гаргаж хүссэнээ биелүүлэхийг оролддог. Уурлаж бухимдах нь ихэсвэл хоорондын харилцаа болон хүүхдийн ерөнхий сэтгэл зүйн байдалд дүгнэлт хийх хэрэгтэй. Сэтгэлийн хямрал зовлонтой байгаа хүүхэд илүү их уурлаж бухимддаг байна. Ийм хүүхдийн сэтгэлийн дарамт нь юу болохыг сэтгэл зүйн зөв дүгнэлтээр илрүүлж болно.

Үе тэнгийнхнээс нь илүү их халамжилж хамгаалдаг, эцэг эх нь хүссэн бүхний нь биелүүлдэг хүүхдүүдэд хэт их уурлаж бухимдах байдал их ажиглагдана. Энэ нь ийм хүүхэд хүссэн бүхнээ гартаа оруулдаг, тэдэнд саад тотгор бэрхшээл зовлон бага байдагтай холбоотой юм. Ийм хүүхэд ерөөсөө саад тотгор мэдрээгүй учраас багахан бэрхшээлтэй тулгарахад ихээхэн хямардагтай холбоотой.

Ууртай хүүхдүүд энэ зуршлаа байх ёстой мэт ойлгож байн байн давтаж харилцаандаа хадгалах нь бий. Хүмүүжил муутай хүүхэд өөрийн хүссэнийг биелүүлэхийн тулд энэ буруу аргыг ашиглан эргэн тойрныхондоо төвөг учруулдаг. Тиймээс хүүхдийг уурлах бүрд хүссэн бүхнийг нь биелүүлэхгүй байх нь чухал юм. Эцэг эх хүүхдийн хоорондоо бат бөх, хайрын холбоо байх хэрэгтэй боловч шаардлагатай үед түүнд зохистой хязгаарлалтыг тогтоох хэрэгтэй. Хүүхэдтэйгээ үнэхээр бат бөх харилцаа холбоотой бие биеэ ойлгодог бол иймэрхүү юм дараа тохиолдохгүй.

Хүүхдээ уурлаж бухимдахад нь түүний анхаарлыг өөр юманд чиглүүлэхийг хичээ, түүнийг энэ зан аашаараа зорилгодоо хүрэх боломж бүү олго. Хэт их уурлахаас урьдчилан сэргийлэх арга нь хүүхэддээ багаас нь тодорхой хэмжээгээр амьдралд байдаг саад тотгорыг мэдрүүлж түүний зан чанарыг төлөвшүүлэх нь чухал юм. Өөр нэг арга нь хүүхдийн нас биед тохирсон баяр баясгалан, аз жаргалыг эдлүүлэх хэрэгтэй юм. Өөрөөр хэлбэл түүний насанд тохирсон үйл ажиллагаанд хамруулж, баяр баясгалантай байх нөхцөлийг бүрдүүлэх хэрэгтэй. Хэт их уурлаж бухимдах үед нь ойр тойронд нь байгаа насанд хүрэгчид тодорхой зөв харьцсаны үр дүнд хүүхэд энэ зангаасаа аажмаар салах болно.

Five years old boy not cooperating with his psychotherapist.

Хэт их уурлаж бухимддаг хүүхдийн сэтгэлийн дарамтыг багасгахын тулд түүнтэй илүү их цагийг хамтдаа өнгөрөөж, түүнд тохирсон нийгмийн болон спортын үйл ажиллагаанд хамруулж, найз нөхдийн болон нийгмийн харилцаа холбоог нь дэмжиж, хайр халамжийн урамшуулал зэргийг хэрэглэж болно. Гэхдээ хүүхэд хэрэгцээнээс нь илүү их оролцоо, шүүмжлэл, шүүлт, сануулга эсвэл хэтэрхий сул байдал нь түүний сэтгэхүйн хөгжилд муугаар нөлөөлөхийг мартаж болохгүй.

error: Content is protected !!