Гэрийн нөхцөлд хар батга арилгах шалгарсан аргуудыг танд хүргэж байна. Та өөрт тохирох аргыг сонгоорой.
- Нимбэг, зөгийн балтай скраб
Нимбэгийг хувааж, зөөлөн эдийг бүрэхээр зөгийн балаа асгаарай. Дээрээс нь нунтаг элсэн чихэр цацна. Нүүрний асуудалтай хэсэгт бэлдсэн скрабаар иллэг хийнэ. Скрабыг долоо хоногт 1 удаа хэрэглэнэ.
- Вазелин
Вазелинийг батгатай хэсэгт түрхээд дээрээс нь хүнсний гялгараар дарж бүлээн алчуураар бэгнэнэ. Алчуурыг хөрөхөөс нь өмнө авч илүүдэл вазелинийг арчаад хар цэгүүд дээр зөөлөн дарна. Хар батга маш амархан гарч ирэх болно.
- Сармис
Сармис бол хоол хүнсний хамгийн чухал бүрэлдэхүүн хэсэг бөгөөд арьс арчилгаандаа ч ашиглаж болно. Сармис нь бактер, мөөгөнцөр, вирусийн эсрэг үйлчилгээтэй. Мөн батгыг үүсгэгч бактерийг устгахад тусладаг байна Идээт батган дээр сармисыг гурван минутын турш үрэхэд арилах болно.
- Хамгийн амархан маск
1 цайны халбага давс, 1/2 халбага нимбэгний шүүс, 1 халбага усыг хооронд нь хольж хутгаад хар батгатай хэсэгтээ түрхэж, 2-4 минут иллэг хийнэ. Үүний дараа нүүрээ усаар угаагаарай. Энэ аргыг долоо хоногт 1-2 удаа хэрэглэнэ.
- Тараг
Тараг арьсыг тайвшруулах үйлчилгээтэй. Тарганд сүүний хүчил ихээр агуулагддаг учир арьсны нүхийг цэвэрлэж, гуужуулахаас гадна арьсыг цайруулдаг. Хэт мэдрэмтгий арьстай хүмүүс хэрэглэж болохгүй.
