LOADING

Type to search

Зөвлөгөө Эрүүл мэнд

Бөөрөө хамгаалахад тань туслах хамгийн ашигтай 5 хүнс

Share

Бөөр бол хүний амин чухал хос эрхтэн юм. Биеийн жингийн 0.3%-тай тэнцэх ба 1 минутанд 1.2 литр цусыг шүүдэг. Өөрөөр хэлбэл бодисын солилцооны явц дахь бүх хортой бодисуудыг шээсээр дамжуулж шүүж гаргадаг ба хэрэгтэй зүйлүүд нь цусандаа орж байдаг. Ингээд та бөөрөө хамгаалах доорх аргуудыг туршаад үзээрэй.

Таван салаа

 Таван салаа нь бөөрний эмгэг, өтгөн хатах, өвдөлт үрэвсэл намдаах, биеийн хорыг хөөх зэрэг олон талын ашиг тустай. Хатаасан таван салаа ургамлаас 1 амны халбагыг авч, буцалсан 1 аяга халуун усанд хийгээд 15 минут орчим идээшүүлээд ууна.

Ногооны шүүс

Жимс болон ногооны шүүс нь бие дэх хаягдмал эдийг гадагшлуулах тустай. Ялангуяа аньс жимсний шүүсэнд үл исэлдүүлэгч эд агуулж байдаг учир бөөрний үйл ажиллагаанд сайнаар нөлөөлдөг.

Давсаа багасгах

Өвлийн улиралд хүний бөөрний үйл ажиллагаа харьцангуй идэвхтэй байдаг. Бөөр ачаалснаар зүрхний үйл ажиллагааг муудуулж, нөлөөлнө. Өвлийн улиралд аль болох давслаг хүнс бага хэрэглэж, бөөрний ус хэт хурахаас сэргийлэх хэрэгтэй.

Байцаа

Байцаа нь бөөрөнд өндөр тустай хүнсний бүтээгдэхүүний нэг юм. Байцааны 2-5 навчыг сайтар угааж хэрчээд, халуун усанд 20 минут орчим буцалгаад 2-3 цаг тутам ууж хэвшээрэй.

Улаан лооль

Улаан лооль шээс хөөх, биеэс хорт бодисыг гадагшлуулах, цус шингэлэх гээд тал бүрийн ач тустай. Тиймээс өдөр тутам, хүнсэндээ түүнийг хэрэглэж байх нь чухал юм.

Г.Жаргал

error: Content is protected !!