LOADING

Type to search

Uncategorized

Унтахаасаа өмнө утсаа харвал таны тархинд ингэж нөлөөлдөг

Share

Хүн унтаж байхад тархинд юу болдог талаар юуны түрүүнд өгүүлье.  “Унтах үеийн тархины үйл ажиллагааг дөрвөн үе шатанд хувааж үздэг бөгөөд хамгийн эхлээд хөнгөн унтах үе шат буюу  сэрүүнээс унтах байдал руу шилжих үе шат, дараа нь нөхөн сэргээх, тархийг цэвэрлэх, эд эсийг засах, булчинг сэргээхтэй холбоотой гүн нойрны үе шат байдаг.

Үүний дараагийн шат нь санах ойтой холбоотой үйл ажиллагаа явагддаг.  Сүүлчийн үе шат бол өглөөний хөнгөн нойрны үе бөгөөд энэ үед үе үе булчин сулрах  чангарах, нүдний хөдөлгөөн хурдсах гэх мэт шинж тэмдэг ажиглагдана.  Унтаж байх үед тархи сэрүүн байх үеийнхтэй төстэй маш идэвхтэй байдаг. ”  гэж доктор Ренгтелл тайлбарласан байна.

Мөн тэрээр оройн цагаар электрон төхөөрөмж ашиглах, утас харах, зурагт компьютер дээр ажиллах  нь нойрыг цайруулж, унтах нойрыг богиносгож чанаргүйжүүлдэг. 

Унтана гэдэг нь бие махбодийн амрааж тайвшруулах процесс бөгөөд ажлын стресстэй имэйл, аймшигтай мэдээ, эсвэл дуртай телевизийн нэвтрүүлгээ удаан үзэх нь стресс, сэтгэлийн хөөрөл, түгшүүрийг нэмэгдүүлж нойрыг цайруулдаг.  Мөн дэлгэцийн цэнхэр гэрэл нойрыг сэргээдэг байна.

Тархиа хангалттай амрахад туслах 3 арга

  1. Амрах цагийг өөртөө өг. Унтахаасаа дор хаяж 30 минутын өмнө утас зурагтаа унтраах хэрэгтэй.  “Энэ нь унтах цаг болсныг таны биед дохио болгон өгдөг” гэж доктор Рэнгтелл хэлэв. “Ерөнхийдөө унтахын тулд гэрлээ унтраахаасаа өмнө чимээгүй байж, эргэцүүлэн бодох цаг гаргах хэрэгтэй.
  2. Унтлагын өрөөгөө дэлгэцгүй бүс болгоорой. Шөнө эргэж хөрвөөхдөө утсаа харах гээд байдаг бол утас таблет компьююютер зэргээ өөр өрөөнд байлгаж хэвшээрэй.
  3.  Орлох зүйл олоорой. Цахим сүлжээгээр тэнүүчлэх цагаа бясалгал хийх, өдрийн тэмдэглэл хөтлөх, ном унших  гэх мэт нойронд илүү тохиромжтой үйлдлүүдээр солино уу. Хэрэв подкаст эсвэл аудио ном сонсох дуртай бол доктор Рэнгтелл Bluetooth чанга яригч ашиглахыг зөвлөжээ. Аяыг таймер ашиглан автоматаар унтраахаар тохируулаарай, ингэвэл унтраах талаар санаа зовохгүй тайван нойрсох боломжтой болно.

Leave a Comment

Your email address will not be published. Required fields are marked *

error: Content is protected !!