Давс болон тамхийг давхар хэрэглэснээр үе мөчний үрэвсэлт өвчин улам өдөөгддөг болохыг судалгаагаар тогтоосон байна. Судалгаанд оролцсон нийт 386 хүн хэрэх болон үе мөчний үрэвсэлт өвчин тусахаас өмнөх найман жилийн хоол ундны дуршлаа дэлгэрэнгүй бичиж өгчээ. Энэхүү мэдээллийг үндэслэн тус бүрт нь ангилаад биеийн идэвхитэй үйл ажиллагааны түвшин, тамхи татдаг эсэх, цусны шинжилгээний хариу зэргийг харьцуулан үзжээ.
Ингээд нэгдсэн дүнг нь “Хяналттай бүлэг” буюу хоорондоо ижилхэн 1900 гаруй хүний мэдээлэлтэй дахин харьцуулсан байна. Харьцуулалтын үр дүнд тамхи татдаг хүмүүсийн 54 хувь нь үе мөчний үрэвсэл өвчтэй гарчээ. Тиймээс тамхи татдаг хүмүүс давс ихтэй буюу шорвог хоол хэрэглэхээс аль болох зайлсхийж байхыг тэд анхааруулж байна.