LOADING

Type to search

Зөвлөгөө

Цусны даралт ихсэхээс сэргийлэх АРГУУД

Share

Цусны даралт ихсэх өвчнөөс хэрхэн сэргийлэх талаарх зөвлөгөөг хүргэж байна.

Цусны даралт ихсэх өвчин гэж юу вэ?

Цусны даралт гэдэг нь зүрхнээс шахагдсан цус артерийн судасны хананд учруулах даралтын ачаалал юм. Цусны даралт ихсэх өвчин гэдэг нь сүүлийн хоёр долоо хоногт артерийн /цусны/ даралт бууруулах эм хэрэглээгүй үед зүрхний агшилтын /дээд/даралт нь 140 мм.муб буюу түүнээс дээш, сулралын буюу доод даралт нь 90 мм.муб буюу түүнээс дээш ихэсдэг, бусад эрхтэн тогтолцооны эмгэгийн улмаас бус анхнаасаа бие даан үүсэж байгаа өвчин юм.

Зүрх судасны өвчин /ЗСӨ/ үүсэх гол эрсдэлт хүчин зүйлүүдийн нэг нь цусны даралт ихдэх өвчин бөгөөд энэ нь тархинд цус харвах шалтгааны 64%, зүрхний шигдээсийн шалтгааны 49 %-ийг эзэлж байна.

Харамсалтай нь ихэнхи хүмүүс цусны даралтаа ихэссэн эсэхийг мэдээгүй явж байдаг. Харин цусны даралт их гэдгээ мэдсэн хүмүүсийн дийлэнхи нь эмчлэхгүй  явдаг эсвэл эмчилсэн ч цусны даралтны  хэмжээг байвал зохих хэмжээнд нь хүргэж чаддаггүй.

Цусны даралт ихсэхээс сэргийлэхийн тулд

1. Идэвхтэй хөдөлгөөнтэй байх.  Өдөр бүр 30 минут идэвхитэй хөдөлгөөн хийх

2. Зөв зохистой хооллох. Жимс, ногооны хэрэглээг нэмэгдүүлэх, өөх тос,ны хэрэглээг  бууруулан  биеийн жингээ хэвийн хэмжээнд барих

3. Архины хэрэглээг бууруулах

4. Тамхи татахгүй байх

5. Давсны хэрэглээг багасгах. Ялангуяа хоол, цайныхаа давсыг хязгаарлаж хоногт 5 грамаас хэтрүүлэхгүй байх /1 цайны халбага/

6. Цусны даралтаа тогтмол хэмжих /ялангуяа 40-өөс дээш насны хүмүүс жил бүр эрт илрүүлэг үзлэгт хамрагдах. 

Цусны даралт ихсэх өвчнөөс сэргийлхэд хувь хүн, гэр бүл байгууллага хамт олон, олон салбарын хамтын ажиллагаа нэн чухал байна. Иргэд өөрийн эрүүл мэндэд онцгой анхааран эрүүл аж төрөх дадал, зан үйлийн төлөвшүүлэх, халдварт бус өвчний эрт илрүүлэгт хамрагдах, байгуулага аж ахуйн нэгжүүд ажилтан албан хаагчдаа урьдчилан сэргийлэх үзлэгт хамруулах, байгууллагадаа цусны даралтыг хэмжих боломжийг бүрдүүлэхийг уриалж байна.

Эх сурвалж: Нийслэлийн эрүүл мэндийн газар

Leave a Comment

Your email address will not be published. Required fields are marked *

error: Content is protected !!