LOADING

Type to search

Мэдээ

Ихэнх нутгаар бороо орох төлөвтэй байгаа тул гол мөрний усны түвшин илүү нэмэгдэнэ

Share

Монгол орны гол мөрөн, нуурын усны түвшний өнхцөл байдлын талаар ЦУОШГ-ын Ус цаг уур, орчны судалгаа, мэдээллийн хүрээлэнгийн гадаргын ус судлалын хэлтсийн дарга С.Саранцацралт мэдээлэл өглөө.

Тэрбээр “Энэ жилийн хувьд хур бороо нийт нутгийг хамраад тавдугаар сарын дундаас эхлэн орж ирсэн. Тав, зургаадугаар сард хур бороо элбэг байсантай холбоотойгоор манай орны ихэнх гол мөрний усны түвшин олон жилийн дунджийг давсан байгаа. Зарим гол үерийн болон үерийн аюултай түвшнийг даван хүчтэй үерлэж байна. Тухайлбал, Ерөө, Туул, Дэлгэрмөрөн, Дэлтэс, Үүр, Сэлбэ, Тэрэлж, Онон, Хэрлэн, Халх зэрэг гол үерийн түвшин давж үерлэсэн.

Хоёр, гурав хоногийн өмнөөс Хангайн нурууны ар, өврөөс эхтэй голууд үерлэж эхэлсэн. Тухайлбал, Урд Тамир гол, Хойд Тамир гол, хөгшин Орхон, Орхон, Өврийн бадраг, Онги, Хүдэр, Хараа, Ерөө зэрэг голуудын үерийн түвшин одоогийн байдлаар 40-80 см давсан байдалтай байгаа.

Цаашид ихэнх нутгаар түр зуурын болон үргэлжилсэн бороо орох төлөвтэй байгаа тул гол мөрний усны түвшин илүү нэмэгдэнэ. Иймд ард иргэд үер усны аюулаас болгоомжлохыг анхаарна уу. Иргэд хэнэггүй байдлаасаа болоод өөрсдийгөө эрсдэлд битгий оруулаарай” гэв. 

Тэрбээр онцгойлон дараах зүйлсийг анхаарууллаа. 

  • Ялангуяа наадмын амралтын өдрүүдэд ихэнх хүн гол ус бараадаж амарч зугаалдаг.
  • Гэр, хашаа, майхан зэргийг гуу жалга, голын ойролцоо барьж, суурьшихгүй байх
  • Бага насны хүүхдэд тавих анхаарлаа сайжруулах
  • Үерийн далан, шуудуу ухах, анхаарах
  • Голын усны түвшин нэмэгдсэн үед гармаар зорчихгүй найдвартай замаар явах шаардлагатай.

Долдугаар сард Монгол орны хэмжээнд гол мөрний усны түвшин:

  • Сэлэнгэ мөрний сав газрын голуудад олон жилийн дунджаас ахиу байх
  • Алтай болон Хангайн нурууны голууд олон жилийн дунджаас бага 
  • Хэнтийн нуруунаас эх авдаг голууд олон жилийн дунджаас ахиу устай байна.
  • Үерийн түвшин олон жилийн дунджаас өндөр байх урьдчилсан мэдээ гарсныг хэлсэн юм. 

Leave a Comment

Your email address will not be published. Required fields are marked *

error: Content is protected !!