Супер баатруудын “The Marvels” киног 2022 онд үзэгчдийн хүртээл болгоно хэмээн мэдээлсэн. Тус бүтээлд “Parasite” кинонд дүр бүтээж, “Itaewon Class” цувралаараа алдаршсан жүжигчин Пак Со Жун тоглож магадгүйг эх сурвалжууд дурджээ. Албан ёсны эх сурвалжууд энэ талаар мэдэгдэл хийгээгүй байгаа хэдий ч Starnews Korea вебсайтын мэдээллэж буйгаар жүжигчин киноны зураг авалтад оролцохоор энэ оны сүүлээр Америк улсыг зорих гэнэ. Хэрэв эдгээр мэдээллүүд батлагдвал түүний Холливүүд дахь карьер эхэлж, алдар нэр нь эрс өснө хэмээн кино шүүмжлэгчид дүгнэж байна.
Сонирхуулахад, “The Marvels” киног 2022 оны арваннэгдүгээр сард үзэгчдийн хүртээл болгохоор төлөвлөж байгаа бөгөөд Бри Ларсон, Иман Веллани, Тейона Паррис нар гол дүрд тоглохоор болсон юм.