LOADING

Type to search

Ухаарахуй

Та бурхны эхнэр үү

Share

Нью Йорк хотын 12 сар жихүүн хүйтэн болж байлаа. Бродвэйн гудамжны дэлгүүрийн өмнө 10 орчим насны бяцхан хүү хөл нүцгэн даарснаасаа болоод байдгаараа чичрэн дэлгүүрийн цонх руу ширтэн зогсоно.

Гэтэл нэгэн эмэгтэй хүүд дөхөж очоод “Хүү минь энэ хүйтэнд чи яагаад дэлгүүрийн цонх руу ширтээд зогсч байдаг билээ?” гэж асуув. Хүү: “Би бурханаас гутал өгөөч гэж гуйж байна” хэмээн хариулав. Өнөөх эмэгтэй хүүгийн хариултыг сонсоод ихэд өрөвдөн дэлгүүрт дагуулж ороод, хүүд таарах гутал авчруулахыг худалдагчаас хүсэв. Мөн савтай ус, алчуур өгөөч гэж худалдагчаас хичээнгүйлэн гуйв. Худалдагч ч тэр дор нь хүсэлтийг биелүүлэхэд бүсгүй дэлгүүрийн буланд хүүг дагуулж очоод өвдөглөн сууж, хүүгийн халтар хөлийг угааж хаттал нь арчиж өгөв. энэ байдлыг ажиглаж байсан худалдагч хүүд таарах оймс авчирч өглөө. Сайхан сэтгэлт эмэгтэй хүүгийн цэвэрхэн болсон хөлөнд оймс, гутлыг нь өмсүүлж өглөө.

Тэгээд хүү рүү инээмсэглэн хараад “За одоо ингээд даарахааргүй боллоо” гэв. Хүү нүдэндээ нулимс цийлэгнүүлэн

-Та бурханы эхнэр үү? гэж асуужээ.

error: Content is protected !!