LOADING

Type to search

Uncategorized

Хятадад хэт их хоол хэтрүүлэн идэж буй бичлэг цацахыг хориглолоо

Share

Хятад улсын Хүнсний хог хаягдлын тухай шинэ хуулийн дагуу зоогийн газрууд иргэдэд хэт их хоолоор үйлчлэх, олон нийтийн сүлжээгээр хоол хэтрүүлэн хэрэглэж буй бичлэг цацах нь хориотой болжээ.

 Уг хуулийн заалт нь өнгөрсөн долоо хоногт хэрэгжиж эхэлсэн бөгөөд “mukbang” хэмээн нэрлэгддэг хэт их хоол идэж буй бичлэгүүдийг Хятад улсын Douyin, TikTok зэрэг сүлжээнээс устгаж, ахин бичлэг хийхийг хоригложээ. Хэрэв ийм төрлийн бичлэг үйлдсэн нь тогтоогдвол 16 мянган ам.доллар хүртэлх торгууль ногдуулах юм. 

БНХАУ-ын дарга Ши Жиньпин өнгөрсөн онд хүнсний хог хаягдлыг тус улсын хүнсний аюулгүй байдалд заналхийлж буй гол асуудал хэмээн нэрлэснээс хойш улс орон даяар хүнсний хог хаягдлын эсрэг кампанит ажил өрнүүлэх болжээ.

Хятад улсад өнгөрсөн жил тархсан коронавирусийн улмаас дотоод хүнсний хангамжаа баталгаажуулах сорилт тулгарсан юм. Цар тахлын үеэр олон сая хүн хүнсний хангамжийн дутагдалд орсон нь уг хуулийн заалтын гол түлхэц болов.

Шинэ хуулийн “N1” стандартын дагуу зоогийн газарт үйлчлүүлж буй хүмүүсийн хоолны таваг нь хүмүүсийн тооноос даваагүй байх шаардлагатай. Чанша хотын нэгэн ресторан үүдэндээ жин тавьж, үйлчлүүлэгчийн жингийн дагуу хоолны цэс санал болгожээ. Хятадад жил бүр 35 тонн хүнсний хог хаягдал гардаг нь АНУ-тай харьцуулахад 2 дахин бага дүн юм.

Leave a Comment

Your email address will not be published. Required fields are marked *

error: Content is protected !!