Жин нэмэгдэхэд хөдөлгөөнгүй амьдралын хэв маяг, эрүүл бус хоолны дэглэмээс гадна даавар тодорхой үүрэг гүйцэтгэдэг. Хэрэв та хоолны дэглэм бариад ч нэмэргүй байгаа бол эстроген буруутай байх магадлалтай. Бие дэх эстроген дааврын илүүдлийг тэнцвэржүүлэхийн тулд уургаар баялаг бүтээгдэхүүний хэрэглээг багасгахыг зөвлөдөг байна.
1. Илүүдэл эстрогенээс ангижрахын тулд розмарин эфирийн тос ашиглаарай
Хэрэв эстрогений хэмжээ их байвал эрүүл хооллолтын дэглэм бариад ч жин хаяхгүй. Мөн энэ үед сарын тэмдгийн мөчлөг тогтмол бус болох, хэт их сэтгэлийн хөдлөлд автах зэрэг шинж тэмдгүүд илэрдэг бөгөөд сэтгэл хөдлөлөөсөө болоод хэвийн хэмжээнээс илүү их идэж болно. Эстрогентэй төстэй бодисыг зарим хуванцар болон гэр ахуйн химийн бодисуудад ашигладаг. Бие махбодийг илүүдэл эстрогенээс цэвэрлэж, биед үзүүлэх сөрөг нөлөөллийг бууруулахын тулд розмарин эфирийн тос зэргийг ашиглаарай. Эдгээр тос нь дааврын тэнцвэрийг сэргээж, ой тогтоолтыг сайжруулахад тусалдаг.
2. Серотониноор баялаг хоол хүнс идээрэй
Серотонины дутагдал нь ихэвчлэн сэтгэлийн хямрал, таагүй байдалд хүргэдэг. Нэмж дурдахад серотонины хэмжээ багатай хүмүүс хооллох зуршлаа ихэвчлэн өөрчилдөг байна. Хэрэв та ганцаараа бүтэн шоколадтай бялуу идэхийг хүсэж байгаа аль эсвэл шөнийн цагаар шарсан төмс идмээр байгаа бол энэ нь таны аз жаргалын даавар дутагдалтай байгааг харуулж буй хэрэг. Серотонины байгалийн эх үүсвэр нь өндөг, самар, хан боргоцой байдаг. Хөнгөн биеийн тамирын дасгал, гадаа агаарт илүү их цаг зарцуулах нь таны биед серотонины хэмжээг ихэсгэдэг.
3. Грелины түвшинг хянах дасгал хийх
Грелин бол өлсөж байгаа эсэхийг тодорхойлдог даавар юм. Энэ нь маш “сонирхолтой зөрүүд” ч гэмээр даавар. Грелин нь жингээ амархан хаяхад тусалдаг боловч жингээ барихад үнэхээр хэцүү болгодог. Гэсэн хэдий ч үүнийг давах нь амархан. Дасгал хийх нь грелинээ хянах чадварыг дээшлүүлэхэд тусална. Гэхдээ болгоомжтой байгаарай – грелиний түвшингээ бууруулах гэж хэт их хичээх хэрэггүй, энэ бол чухал даавар юм. Энэ нь оюуны чадварыг хөгжүүлэхэд нэн чухал үүрэгтэй.
4. Нейропептид Y-ийг тэнцвэртэй байлгахын тулд хэт удаан мацаг барьж болохгүй
Хэрэв нейропептидийн хэмжээ таны цусанд их байвал та хоолны дуршилгүй болно. Илүүдэл нейропептид нь өөхний эдийг хэвлийд хадгалахад хүргэдэг. Хоол хүнсэндээ хангалттай хэмжээний уураг, эслэг оруулан удаан хугацааны мацгаас татгалзаарай.
5. Хэрэв таны пролактины түвшин өндөр гэж бодож байгаа бол эмчид хандаарай
Өндөр түвшний пролактин нь жин нэмэхэд хүргэхээс гадна эмэгтэйчүүдэд сахал, цээж, биеэр урьд байгаагүй үс ургаж , сарын тэмдгийн мөчлөг өөрчлөгдөнө. Илүүдэл пролактин нь эрэгтэй хүний хөхний булчирхайн өсөлтөд хүргэдэг байна. Хэрэв та эдгээр шинж тэмдгүүдийн аль нэгийг нь анзаарсан бол пролактиний өндөр агууламж нь гипофизын хавдар (пролактинома) -ийг илтгэж болзошгүй тул эмчид хандах хэрэгтэй.
6. Глюкагонын хэмжээг нэмэгдүүлэхийн тулд хоол хоорондын зайгаа ихэсгэ
Глюкагон нь хоолны дуршлыг бууруулж, өөх тос боловсруулалтыг дэмжинэ. Глюкагоны түвшинг нэмэгдүүлэхийн тулд хооллох зуршлаа хэвийн болгох нь чухал юм. Хэрэв хоолны хооронд удаан хугацаагаар завсарлага авбал (өлсөхгүйгээр) гормон нь өөх тосыг өөрөө шингээдэг. Илүү их уураг идэх нь бас тустай байж болох бөгөөд энэ нь цусан дахь глюкагоны түвшинг нэмэгдүүлдэг.
7. Адреналины дутагдалтай тэмцэхийн тулд амьдралдаа “эрүүл стресс” нэмээрэй
Адреналин (эпинефрин) нь бодисын солилцооны процессыг нэмэгдүүлж, өөхийг шатаадаг. Эпинефрин бол тодорхой нөхцөл байдалд хамгийн тод сэтгэл хөдлөлийг мэдрүүлдэг. Хэрэв хооллох зуршлаа өөрчлөхгүй л бол адреналин биед юуг ч өөрчлөхгүй гэдгийг санаж байх хэрэгтэй.
8. Хэт их тестостероноос салахын тулд фитоэстроген агуулсан хоол идээрэй
Тестостерон нь эрэгтэй даавар гэж тооцогддог боловч энэ нь эмэгтэй хүний биед чухал үүрэг гүйцэтгэдэг. Тестостероны түвшинг байгалийн жамаар бууруулж болно. Шар буурцаг, кофе, үр тарианы бүтээгдэхүүнээс энэ дааврыг авах боломжтой бөгөөд фитоэстрогенийн тусламж танд хэрэгтэй.
9. Адипонектинтэй болохын тулд илүү их алхаж, пистачио идээрэй
Илүүдэл жин нь ихэвчлэн адипонектин дутагдалтай байгаагаас үүддэг. Ялангуяа өөх нь голчлон биеийн дунд хэсэгт хадгалагддаг бөгөөд мөн чихрийн шижингийн II хэлбэр оношлогдсон бол таны биед адипонектиний хэмжээ хэт бага байх магадлалтай. Энэ даавар нь таны хоолны дуршилд саад болохгүйгээр жингээ хасахад тусална. Биеийн тамирын дасгал нь Адипонектиныг нэмэгдүүлэхэд тусалдаг хамгийн сайн зүйл юм. Өдөр бүр дор хаяж 90 минут гүйхийг зөвлөж байна. Таны цусан дахь гормоны түвшинг зохицуулдаг гайхалтай бүтээгдэхүүн бас байдаг: пистачио самар. Хэрэв та хоол хүнсэндээ нүүрс усыг моно ханаагүй өөх тос (авокадо, чидун, оливын тос гэх мэт) -оор сольж хэрэглэвэл өөх тань бүр хурдан алга болно.
10. Сайхан галбиртай байхын тулд бамбай булчирхайгаа эрүүл байлгаарай
Бамбай булчирхайн даавар нь бидний бодисын солилцоог зохицуулдаг. Бамбай булчирхай идэвхгүй буюу хэт идэвхтэй байх нь таны бодисын солилцооны үндсэн түвшинг хэт бага эсвэл хэт их болгодог. Үүнээс үүдэн бамбай булчирхайн дааврын тэнцвэргүй байдал жингийн илүүдэлтэй болоход нөлөөлдөг байна.
Бамбай булчирхайг дэмжих зарим байгалийн аргууд байдаг. Жишээлбэл, Бразил самар, навчит ногоонууд нь бамбай булчирхайд тустай микроэлемент, эрдэс бодисоор баялаг байдаг. Гэхдээ бамбай булчирхайгаа хэвийн эсэхээ мэдсэний дараа та эдгээр зүйлсийг хэрэглэх эсэхээ шийдэх хэрэгтэйг зөвлөх байна.