Хүн дунджаар амьдралынхаа гуравны нэгийг унтаж өнгөрөөдөг. Хэдийгээр бидний бие унтаж байхдаа амарч байгаа боловч тархи нь бие махбодийг дараагийн өдөрт нь бэлдэхийн тулд ажилласаар л байдаг. Үүнийг зүүд, тэр тусмаа дахин дахин давтагддаг зүүднээс мэдэж болно.
Та нэг зүүдээ дахин зүүдлээд байна уу? Тэгвэл нь энэ нь ганцхан танд тохиолдсон зүйл биш
Зүүд дахин давтагдах үзэгдэл нь өсвөр насныхны 35%, насанд хүрэгчдийн 60-75% -д тохиолддог болохыг судалгаагаар тогтоожээ. Энэ нь амьдралын аль ч үед тохиолдож болох ч хүмүүсийн бараг 40% нь бага насандаа нэг зүүдээ давтаж зүүдэлсэн байдаг аж. Харин 15-аас дээш хувь нь насанд хүрсэн үед ийм зүйл тохиолдсон гэжээ.
Дахин давтагдаж буй зүүдний сэдэв нь түгээмэл байдаг
Судалгаагаар хүмүүст хамгийн их давтагдаж зүүдлэгддэг 5 зүүд байдгийг тогтоожээ. Үүнд:
- Унаж байна
- Хөөгдөж байна
- Сургуульдаа эргэн сурж байна
- Шалгалт эсвэл чухал үйл явдалд бэлтгэлгүй байна
- Нисэх
Эдгээр зүүдний дийлэнх нь сөрөг байдаг бөгөөд сэтгэлд түгшүүр төрүүлдэг. Сэтгэл нь тайван бус, стерсстэй хүмүүс ийм зүүд зүүдлэх хандлагатай байдаг нь судалгаагаар нотлогджээ.
Энэхүү давтагдаад байдаг таагүй зүүд нь таны мэдэрч буй зүйлийн тусгал юм
Шалгалтандаа бэлтгэлгүй орж байгаа тухай зүүд нь оюутнуудын дунд, ялангуяа шалгалтын үеэр хамгийн элбэг байдаг. Энэ нь оюутнуудын шалгалтаас айх айдас, шалгалттай холбоотой стресстэй шууд холбоотой. Харин өндрөөс унаж байна гэж зүүдлэх нь таны дотор байгаа ямар нэг айдас, таагүй бодол, стресстэй холбоотой юм. Шүд унаж байгаа тухай зүүд нь ичимхий хүнийөөрийгөө илэрхийлэхэд бэрхшээлтэй байдгийн тусгал ажээ.
Зарим зүүд нь ямар нэгэн зүйлийг засах хэрэгтэй гэсэн дохиог өгдөг
Дахин дахин давтагдаад байдаг зүүд нь амьдрал дахь шийдэгдээгүй асуудлуудтай холбоотой гэж судлаачид үздэг. Харин зарим нь хүн урьд өмнө тохиолдож байсан зовлонгоо даван туулах гэж оролдож байх үед тохиолддог гэжээ.
Юуг анхаарах вэ?
Мэргэжилтнүүд, дахин давтагдаад байдаг тэр зүүднүүд таны хувьд далд хүсэл, айдас, эсвэл өөр зүйл ч байж болно /найзтайгаа эвлэрэх хэрэгцээ гэх мэт/ гэжээ.
Айдас, стресс төрүүлсэн зүүд дахин зүүдэлмээргүй байгаа бол та өөрийгөө маш сайн тайвшруулж, айдсаа даван туулж, стрессээс ангижрах хэрэгтэй. Мөн унтахын өмнө элдэв муу сөрөг бодол бодохгүй, таагүй кино мэдээлэл үзэхгүй байж, тайван сайхан унтаж амрах тохь тухыг бүрдүүлээрэй. Бас хоолны дэглэм амьдралын хэв мяагаа эргэж нэг хараарай.
Хэрэв та зүүднээсээ болж маш их стресстэж, тэр бүхэн таны амьдралын аз жаргал, сайн сайхнаас хумслаад байгаа бол сэтгэл зүйч, мэргэжлийн эмчид хандах хэрэгтэй гэж зөвлөх байна.
Нэг зүүдийг давтан зүүдэлдэг үү? Сэрэхдээ зүүдээ мартчихсан байдаг уу?
Эх сурвалж: Brightside