Таны хүүхэд өглөөд хэтэрхий эрт сэрээд байна уу? Тэгвэл дараах дөрвөн үр дүнтэй аргыг туршаад үзээрэй.
Хөшиг. Хүүхдийнхээ өрөөнд дуу чимээг багасгах зузаан хөшиг өлгөөрэй. Мөн та цонхийг бүрэн халхлах зузаан даавуу, хөнжил ч түр ашиглаж болно. Энэ нь орчны дууг намсгаж, хүүхэд унтахад тухтай байлгана.
Хуваарийг өөрчлөх. Унтах цагийн хуваарийг нь өөрчлөөд үзээрэй. Зарим хүүхдийн хэтэрхий эрт сэрдэг шалтгаан нь ядарсандаа болоод орой эрт унтсантай холбоотой. Түүнчлэн өдрийн цагаар их унтуулах нь шөнийн нойронд нь сөргөөр нөлөөлдөг байна.
Хүүхдийг өөрт нь тохирсон орон дээр унтуул. Мөн таны хүүхэд долоон сар хүрсэн бол даавуун ном, тоглоом гэх мэт аюулгүй зүйлсийг хажууд нь байрлуулаарай. Хүүхэд тэдгээрийг харж, өөрийгөө сатааруулснаар уйлахгүй байх болно.
Түр хүлээ. Хүүхдийг сэрэнгүүт нь шууд бүү аваарай. Хэсэг зуур хүлээгээд үзээрэй. Тэд эргээд унтах юм уу, өөрсдөө аяндаа сэрнэ. Мөн өглөө эрт сэрсэн хүүхдэд шууд хоол өгч болохгүй. Нар мандтал түр хүлээх хэрэгтэй. Учир нь хүүхдийн бие организм түүнд дасахгүй байх магадлалтай.
Эх сурвалж: whattoexpect