- Цар тахлын улмаас эцэг эхчүүд хамтдаа цагийг өнгөрөөх боломж эрс багасч, олон зүйлд анхаарал хандуулах хэрэгтэй болсон.
- Гэртээ удаан хугацаагаар байх нь эцэг эхчүүдэд хүндээр тусч байна.
- Сэтгэцийн эрүүл мэндээ хамгаалж, эерэг хандлагатай байхын тулд эцэг эхчүүд өөрсдөдөө цаг зав гаргаж байх хэрэгтэй.
Одоогоор бид хөл хорионы дэглэмд орж, гэрээсээ ажиллаж, хажуугаар нь хүүхдүүддээ цаг гаргаж, хичээлийг нь хийлгэх гээд олон асуудлыг зэрэг зохицуулах шаардлагатай байгаа. Энэ асуудлыг шийдвэрлэж, өөртөө цаг гаргах таван аргыг танилцуулж байна.
Эрт босох
Ганцаараа өглөөний цайгаа ууж, тайван амгаланг мэдэр! Таны хийх зүйл бол өглөөний цайгаа ганцаараа уунгаа, бодол санаагаа цэгцэлж, өдрийн ажлаа төлөвлөх бөгөөд багахан ч гэсэн хугацааг өөртөө зориулах юм. Хэрэв хүүхдүүд тань орой эрт унтвал ном унших эсвэл усанд орох зэргээр тайвширч болно.
Технологийн давуу талыг ашигла
Цар тахал гарснаас хойш бид нийгмийн харилцаанд орохыг хүсч байгаа. Энэ асуудлыг шийдвэрлэх зөв гарц бол FaceTime, Google Hangouts, эсвэл Zoom ашиглан найзуудтайгаа холбогдох юм. Хэрэв таны хүүхдүүд гар утас, таблетаа хариуцлагатайгаар ашиглах насанд хүрсэн бол тэдэнд бас ийм боломж олгоорой. Энэ нь таны сэтгэл санааг сэргээх болно.
Өдөр бүр 30 минутыг өөртөө зарцуул
Бага насны хүүхдүүдтэй эцэг эхчүүдийн хувьд нойр дутуу байх нь байдаг л асуудал. Тиймээс та төлөвлөгөө гаргахдаа өөртөө зориулж 30 минутын завсарлага гаргаарай.
Даалгавраа хийх, бага насны хүүхдүүдээ тоглох хойгуур нь өөртөө амрах цаг өг.
Хааяа хүүхдэдээ утас, таблет ашиглахыг зөвшөөр
Дэлгэц хэт их ширтэхийн хор хөнөөлийн талаар бид бүгд сонссон бөгөөд та хүүхдүүдээ өдөржингөө зурагт эсвэл таблет ашиглахыг зөвшөөрөхгүй нь лавтай.
Гэхдээ анхаарлаа төвлөрүүлж, биечлэн хийх шаардлагатай ажил гарсан үедээ хүүхдүүддээ тэдгээрийг ашиглахыг зөвшөөр. Гэхдээ үзэх контент, цагт хяналт тавиарай.
Гэртээ болзоорой
Сэргэлэн цовоо байхын тулд зөвхөн өөртөө цаг гаргана гэсэн үг биш. Гэр бүлийн хүнтэйгээ өнгөрөөх цаг хугацаа бас чухал юм. Та нар хамтдаа оройн хоолоо идээд, дуртай киногоо үзэж өөрсдөдөө цаг гарган, болзоорой.
Долоо хоногийн нэг үдшийг л өөрсдөдөө зориул. Ингэснээр гэр бүлийн харилцаа сайжирч, та ганцаараа биш гэдгээ мэдрэх болно.
Эх сурвалж: verywellfamily