Шөнө сайн унтаж чадахгүй цөхрөнгөө барж байна уу? Олон зүйлийг туршиж үзээд нэмэргүй байгаа бол эрдэмтэд танд унтахынхаа өмнө гадил жимс идэхийг санал болгож байна.
Гадил жимс нь тэжээлээр баялаг бөгөөд унтаж амрахад тусалдаг ажээ. Учир нь гадил жимс нүүрс ус агуулдаг бөгөөд энэ нь нойрмоглох мэдрэмжийг төрүүлдэг гэж эрдэмтэд мэдээлжээ. Гадил жимсэнд агуулагдах нүүрс ус нь хурдан шингэдэг тул унтах үед ходоодонд асуудал үүсгэхгүй.
Энэхүү эрүүл жимс нь бие махбодын мелатонин ялгаруулахад туслах гол элемент болох В6 витамин агуулдаг гэж “Amerisleep” мэдээлэв. Нойрны асуудалтай зарим хүмүүс эмчийн жороор нэмэлт тэжээл ууж мелатониний нийлэгжилтийг нэмэгдүүлдэг. Гэсэн хэдий ч мелатонины нэмэлт тэжээлийг хэрэглэхийн өмнө эмчтэйгээ зөвлөлдөөрэй.
Унтахад тань туслах бүрэн тэжээл
Гадил жимс нь кали, магнигаар баялаг байдаг. Эдгээр нь хоёулаа бие махбодыг тайвшруулахад тусалдаг эрдэс бодис юм. Том хэмжээтэй гадил жимс нь калийн өдрийн хэрэгцээний 10 орчим хувь, эмэгтэйчүүдийн авах ёстой магнийн 12 хувийг (эрэгтэйчүүдийн есөн хувь) хангадаг.
Энэ нь мөн триптофаныг агуулдаг бөгөөд энэ нь нь мелатонины нийлэгжилтийг хянах серотонин болж метаболизмд орсноор нойрсох мэдрэмжийг төрүүлдэг байна.
Мөн та өдрийн цагаар гадил жимс идвэл нойрмоглох юм байна гэж санаа зовох хэрэггүй. Мелатонины нийлэгжилтийг байгалийн гэрэл, циркад гэх мэт хүчин зүйлүүд хянадаг бөгөөд оройн цагаар л нойрсох байдлыг дэмждэг байна.
Эх сурвалж: healthdigest