Үсний уналт нь байнгын эсвэл түр зуурын шинжтэй байдаг. Өдөрт 50-100 ширхэг үс унах нь хэвийн үзэгдэл юм. Үс ихээр унах нь үс шингэрэлт болон халзралтыг бий болгодог. Хэрэв та ердийнхөөс илүү их үс унаж байгааг анзаарсан бол ямар шалтгаантайг нь тогтоох хэрэгтэй.
Үс унах, шингэрэх шалтгаанууд нь:
Стресс
Стресс, бухимдал нь хүний бие организм дахь тестостероны хэмжээг нэмэгдүүлснээр үс ургалтын мөчлөгийг тасалдуулдаг. Мөн хялгасан судсанд очих цусны эргэлтийг удаашруулж, үсний уутан хальс тэжээл, хүчилтөрөгчөөр дутагдаж эхэлснээр үс унаж эхэлдэг.
Удамшил
Үсний уналт, халзралын хамгийн нийтлэг шалтгаан нь удамшил байдаг.
Гормоны өөрчлөлт
Гормоны өөрчлөлт нь түр зуур үс уналтад хүргэдэг. Жишээ нь: жирэмслэлт, төрөлт, жирэмслэлтээс хамгаалах эмийн хэрэглээг зогсоох, цэвэршилт зэрэг нь үс унах шалтгаан болдог.
Эрүүл мэндийн өөрчлөлтүүд
Үсний байнгын уналт нь ихэвчлэн эрүүл мэндийн асуудалтай байгааг илтгэнэ. Хүнд өвчин, мэс засал, гэмтэл бэртэл зэрэг нь үс уналтыг өдөөдөг. Гэхдээ ийм шалтгаантай бол үсэндээ эмчилгээ хийлгэх шаардлагагүйгээр өөрөө ургаж эхэлдэг. Мөн хорт хавдар, цусны даралт өндөр байх, артрит, бамбай булчирхайн эмгэг, чонон хөрвөс зэрэг өвчнүүд нь байнгын үс уналтад хүргэдэг.
Хоол хүнсний хэрэглээ
Уураг, төмөр болон бусад тэжээллэг бодисын дутагдал нь үс унах, үс шингэрэх шалтгаан болдог.
Үсний уналт, шингэрэлтийг зогсоох аргууд
Толгойн массаж
Үсийг өтгөн сайхан харагдуулах нэг арга нь толгойн массаж юм. Үүнд ямар ч зардал шаарддаггүй бөгөөд гаж нөлөө байхгүй. Үсээ угаахдаа хурууныхаа өндгөөр хуйхандаа зөөлөн массаж хийж, цусны урсгалыг өдөөх хэрэгтэй.
Эфирийн тос
Эфирийн тосыг ургамлаас гаргаж авдаг бөгөөд анхилуун үнэртэйгээс гадна эмчилгээний зориулалтаар ашиглах нь цөөнгүй. Лаванда цэцгийн тосыг халцарсан үсэнд ашиглаж байжээ. Тосыг ихэвчлэн розмарин, гангаар хийсэн бусад зүйлтэй хослуулдаг.
Үс уналтыг зогсоох үйлчилгээтэй шампунь хэрэглэх
Ийм үйлчилгээтэй шампунь нь амин дэм, амин хүчлийг агуулдаг хуйхыг эрүүлжүүлж, үсийг өтгөрүүлдэг.
Мултивитамин хэрэглэх
Үсний эрүүл байдал нь биеийн эрүүл мэндийн ерөнхий байдлаас хамаарна. Уураг болон төмөр, зарим төрлийн витамин дутагдсан үед үс унах шинж тэмдэг илэрдэг. Өтгөн, эрүүл үстэй байхад төмөр, фолийн хүчил, цайр хэрэгтэй.
Фолийн хүчил агуулсан нэмэлт тэжээлүүд
Фолийн хүчил нь зарим амин хүчлийн солилцоо, цусны улаан эс хэлбэрших, биед АТФ үүсэх зэрэгт оролцдог В витамины төрөл юм. Үс унах, шингэрэх, халцрах үед фолийн хүчил тусалдаг.
Биотин
Биотин буюу Витамин В-7 нь самар, сэвэг зарам, элэг зэрэгт агуулагддаг усанд уусдаг шим тэжээл юм. Хэрэв В-5 витамины бэлдмэл хэрэглэж байгаа бол биотин хэрэглэх шаардлагагүй. Зэрэг хэрэглэх нь бие биенийхээ үр нөлөөг бууруулдаг.
Омега-3 ба омега-6 тосны хүчил
Омега-3 нь олон төрлийн өвчний суурь шалтгаан болох үрэвслийг намдаахад тусалдаг. Үс уналт нь үрэвсэлтэй холбоотой байж болно. Омега-6 нь арьсны ерөнхий эрүүл мэндэд чухал ач холбогдолтой бөгөөд энэ нь хуйханд ашиг тусаа өгөх болно. Ургамлын гаралтай өөх тос нь омега-6-ийн анхдагч эх үүсвэр болдог бол омега-3 тосны хүчил нь загасанд ихээр агуулагддаг.