LOADING

Type to search

Зөвлөгөө Онцлох

Нуруу өвдсөн үед унтаж амрахад тохиромжтой байрлалууд

Share

 Нурууны өвдөлт нь бэртэл гэмтэл, стресс, буруу байрлалаар унтах, амьдралын бусад буруу хэв маягаас үүдэлтэй байдаг. Нуруу өвдсөн үед шөнө унтаж амрахад хүндрэлтэй байдаг. Тухтай унтаж амрахын тулд ямар байрлалаар унтвал зохимжтой вэ?

Хажуу тийш харан өвдөгний завсраар дэр хийх

Дээш харан хэвтэхэд хүндрэлтэй байгаа бол хажуу тийш харан хөлнийхөө завсар дэр хавчуулж унтах нь тохиромжтой. Дэр нь аарцаг, нурууны өвдөлтийг намаахад тусална.

Хажуу тийш харан атиралдаж унтах

Нурууны нугалам хоорондын дискний эвэрхийн үед энэ байрлал тохиромжтой. Нурууны диск нь нас ахих, гаднын  хүчтэй доргилт, буруу суух, зогсох, хэт ачааллал өгөх зэргээс болж гэмтэл аван гадагшаа цүлхийн гарч нугасны хажууд буй мэдрэлийн сувгийг даран бүсэлхий нурууны өвчинг үүсгэдэг.
Өвдгөө цээж рүүгээ чиглүүлж, атиралдаж унтах нь нурууны нугалам хоорондох зайг тэлж өгдөг.

Хэвлий хэсэгтээ дэр байрлуулан доош харж унтах

Доош харж унтах нь хүзүүнд ачаалал өгдөг талтай. Нурууны өвдөлтийн үед нуруунд ирэх даралтыг багасгахын тулд аарцаг, хэвлийн доод хэсэгт дэр тавих хэрэгтэй.
Мөгөөрсөн жийргэвч буюу дискний цүлхийлтийн үед ингэж унтах нь сайн унтаж амрахад ихээхэн тустай.

Дээш харан өвдгөн доороо дэр хийж унтах

Зарим тохиолдолд дээш харан унтах нь нурууны өвдөлтийг намдаах хамгийн сайн байрлал байж болох юм. Дэр нь чухал бөгөөд энэ нь нурууны өвдөлтийг намдаадаг.

Дээш харан хэвтэх

Энэ байрлал нь гуя болон их биеийн хоорондох өнцгийг үүсгэдэг тул нуруунд тустай. Энэ өнцөг нь нуруунд ирэх даралтыг бууруулахад тусалдаг.

error: Content is protected !!