LOADING

Type to search

Ухаарахуй

Зопа ринбүүчи: Шуналаа дагаваас хэзээ ч сэтгэл ханахгүй

Share

Зопа ринбүүчи багшийн  “Зовлонг Амгаланд урвуулахуй” номноос

1. Та бусдад туслахын тулд л энэхүү эрдэнэт хүний биеийг олжээ.

2. Бэрхшээлд хандах хандлагаа өөрчил, мөхөөлдөст дурлах, хөгжимд дурлах бодол зөнгөөрөө үүсэх адил зовлонд тэр мэт дурлах ёстой.

3. Амгалан хийгээд зовлон нь таны сэтгэлээс, түүнийг хэрхэн тайлбарласнаас шүтэн гардаг. Тэдгээр нь гадаад ертөнцөөс, бусдаас ирдэггүй. Таны хамаг амгалан хийгээд зовлон нь таны бүтээл, таны өөрийн сэтгэлийн бүтээл юм.

4. Уур хилэнгийн шанал нь зүрхэн дотор улалзах галт нүүрс лугаа адил юм.

Шуналаа дагаваас хэзээ ч сэтгэл ханахгүй.

Шамдаж дахинтаа шуналаа дагаваас дахиад л ханахгүй.

Бас дахинтаа нэг дагаад ч ханахгүй.

5. Хүсээгүй байдлыг хүсмээр байдалд таних нь сэтгэл оюуныг судлах хамгийн хүчтэй арга мөн. Энэ нь зовлонг амгаланд хувиргах зам болой.

6. Хүсээгүй өчүүхэн зүйл бүрийг бусад бүх амьтны өмнөөс эдэл.

7. Амин зөвлөгөө-Гаднаас амгаланг эрэхэд итгэж үл болмуй. Сэтгэл үл ханах хийгээд эцэс төгсгөлгүй зовлонд нэрвэгдэн хүч барагдамуй.

error: Content is protected !!