Арьсан дээр батга гарсан үед дараах зүйлсийг анхаарах хэрэгтэй. Дараах зүйлс нь батгыг улам хүндрүүлдэг байна.
Нарнаас хамгаалах тосыг буруу сонгож хэрэглэх
Арьсаа нарнаас хамгаалах нь чухал боловч зарим төрлийн нарнаас хамгаалах тос нь батга үүсэхэд нөлөөлдөг. Зарим нарнаас хамгаалах тосны найрлагад тосонд суурилсан органик шүүлтүүр багтдаг бөгөөд энэ нь арьсыг цочроож байдаг. Арьсаа хамгаалах сайн арга нь SPF агуулсан өдрийн чийгшүүлэгч тосыг сонгож, цэвэр арьсандаа үргэлж түрхэх явдал юм.
Нүдний шилээ цэвэрлэхгүй байх
Хэрэв та нүдний шилний эргэн тойронд батга байнга гардаг бол нүдний шилээ цэвэрлэх шаардлагатай. Нүдний шилний хүрээ хэсгийг өдөрт нэг удаа цэвэрлэж байхыг эмч нар зөвлөж байна.
Нүүрээ олон дахин угаах
Арьсаа цэвэрлэх нь батгатай тэмцэх, урьдчилан сэргийлэхэд зайлшгүй шаардлагатай алхам боловч хэт их угаах нь яг эсрэгээр нөлөөлдөг. Арьс судлаачид арьсыг хэт их цэвэрлэх нь арьсны чийгийн тэнцвэрийг алдагдуулж болзошгүй гэж үздэг.
Үс арчилгааны бүтээгдэхүүн их хэрэглэх
Үс арчилгааны зарим бүтээгдэхүүн нь батга үүсгэдэг. Шампунь, ангижруулагч зэрэг нь духан дээр янз бүрийн батга үүсгэдэг. Хэрэв эдгээр бүтээгдэхүүнүүд таны нүүрэнд хүрвэл арьсны нүх сүвийг хааж, арьсыг цочроодог.
Шүршүүрт нүүрээ угаах
Шүршүүрт орохдоо хүмүүс ихэвчлэн арьсанд хэт халуун ус хэрэглэдэг. Халуун ус нь бидний арьсыг маш их цочроодог бөгөөд арьсыг гэмтээж болно. Энэ нь мөн арьсны тослогийг арилгаж, хуурайшуулж цочроох үйлчилгээтэй.
Дасгал хийсний дараа арьсаа цэвэрлэхгүй байх
Фитнессийн дараа арьсаа цэвэрлэхгүй байх нь батга үүсгэдэг. Арьс судлалын мэргэжилтнүүд дасгал хийснийхээ дараа шүршүүрт орж хөлсөө арилгахыг зөвлөж байна.