LOADING

Type to search

Зөвлөгөө

Хүүхдийнхээ гэрийн даалгаврыг хэрхэн үр дүнтэй хийлгэх вэ?

Share

Бага ангийн хүүхдийн даалгаврыг хийлгэнэ гэдэг бол эцэг эхчүүдийн  хувьд чухал ажил байдаг. Тиймээс бага насны хүүхдийнхээ гэрийн даалгаврыг хэрхэн үр бүтээлтэй хийлгэх талаар Сэтгэл судлалын үндэсний төвийн сэтгэл судлаач н.Нямцэцэг зөвлөж байна.  

Орчинг бүрдүүлэх

Хүүхдийнхээ гэрийн даалгавыг хийлгэхэд орчин маш чухал үүрэгтэй. Орчин нь тухайн хүүхдийн анхаарал төвлөрөлтөд маш чухал үүрэ гүйцэтгэдэг. Тэгвэл хүүхдийнхээ гэрийн даалгавраа хийх орчинг яаж бүрдүүлэх вэ? гэвэл дараах зүйлсийг баримтлах хэрэгтэй.

  • Хүүхдийн хичээл хийх гэрэл хэт тод биш бүдэг байх
  • Дуу чимээ бага орчинг бүрдүүлэх, дэргэд нь сатааруулах зүйл ярихгүй байх, зурагтаа унтраах  
  • Ширээ сандал нь хүүхдийн нурууны өндөрт таарсан, хүүхдэд тухтай байх
  • Анхаарал сарниулах зүйлсийг хол байлгах
  • Хүүхдийн унтдаг хэсгээс хол даалгаврыг нь хийлгэх

Түр завсарлах

Бага ангийн хүүхэд 10 минут, дунд ангийн хүүхэд 15 минут төвлөрөх чадвартай байдаг. Тиймээс энэ онцлогт нь тохируулж даалгаврыг нь хийлгэх хэрэгтэй.  Тасралтгүйгээр нэг цаг, хоёр цаг суулгах бус 10 минут хийлгээд анхаарлыг нь хэт өөр зүйлд хандуулалгүйгээр түр завсарлаад дахин үргэлжлүүлэх.

Хүүхдэдээ зориулж чанартай цаг гарга

Хэрвээ хүүхэд тань даалгавраа хийж байгаа бол та ч мөн даалгавар хийж байгаа мэт хүүхэдтэйгээ хамт сууж чанартай цаг бий болгох хэрэгтэй. Өөрөө бие дааж хий гээд орхивол хүүхдүүд бүрэн гүйцэт хийдэггүй, дутуу орхидог. Гэрийн даалгаврыг хийлгэх үедээ хүүхдийнхээ ойлгохгүй байгаа зүйлийг зааж өгөх. Ингэхдээ хүүхдээ айлгахгүй, ичээхгүй, доромжлохгүй байх хэрэгтэй. Айсан үедээ сурсан зүйл нь айдас нь алга болоход хамт мартагддаг байна.

error: Content is protected !!