- Америкийн зүрх судасны нийгэмлэгээс 30-аас дээш насны, эрүүл амьдралын хэв маягийг дагаж мөрддөг хүмүүс 40-өөс дээш насанд тохиолддог цусны даралт ихсэх өвчний эрсдэлийг бууруулж чадна гэж мэдэгджээ.
- Тус байгууллага нь хоолны дэглэм, дасгал хөдөлгөөн, холестерол, цусан дахь сахарын хэмжээг зохицуулах зэрэг зүрхний эрүүл мэндийн талаарх 7 энгийн зөвлөмжийг санал болгосон байна.
- Мэргэжилтнүүд, хүмүүс энэ 7 өөрчлөлтийг нэг дор хийхийг хичээх хэрэггүй. Өөрт тохирсон амьдралын хэв маягийн 1 эсвэл 2-ийг сонгох нь илүү сайн гэжээ.
Энгийн долоон зөвлөмжийг 30 наснаас эхэлж дагаж мөрдөх нь 40-өөс дээш насанд тохиолдож болох даралт ихсэх эрсдлийг бууруулахад тусална.
Тэд “Journal of the American Heart Association” сэтгүүлд хэвлэгдсэн шинэ судалгааны дагуу үүнийг бэлтгэсэн байна.
Энэхүү удалдгаанд АНУ-д 30,000 гаруй насанд хүрэгчдийг хамруулсан байна. Оролцогчдын 42 хувь нь 9 жилийн хяналтаар артерийн даралт ихсэлт (цусны даралт ихсэх) өвчнөөр өвчилсөн болохыг тогтоожээ.
Судлаачид Америкийн Зүрхний Холбооноос гаргасан “Амьдралын Энгийн 7 дүрэм” –ийг дагаж мөрдсөн хүмүүс цусны даралт ихсэх эрсдэл 6 хувиар бага байгааг тэмдэглэжээ.
АНУ-ын нийт насанд хүрэгчдийн бараг тэн хагас нь цусны даралт ихтэй гэж Америкийн Зүрхний Ассоциациас мэдээлсэн байна. Энэ эмгэг нь цус харвалт, зүрхний шигдээс, хараа муудах, зүрхний дутагдалд хүргэх эрсдэлтэй юм.
Гэхдээ шинжээчид үүнээс урьдчилан сэргийлэх боломжтойг хэлж байна.
“Одооноос хэвшил болгох энэ аргууд нь өнөө үед болон олон жилийн туршид бидний эрүүл мэндэд нөлөөлөх болно” гэж Хоол тэжээл, хоолны дэглэмийн академийн хэвлэлийн төлөөлөгч, MS, RDN, LDN Каролайн Уэст Пассеррелло хэлжээ.
Амьдралын энгийн 7 дүрэм
Энэ 7 зүйл бол Америкийн зүрхний холбооноос гаргасан зүрх судасны эрүүл мэндийн хэмжүүрийн загвар юм. Үүнд:
- биеийн жингийн индекс (BMI) хянах
- хоолны дэглэм барих
- тамхи татахгүй байх
- Идэвхтэй хөдөлгөөн хийх
- цусны даралтаа хянах
- холестеролоо багасгах
- цусан дахь сахараа хэвийн байлгах зэрэг багтана.
FAHA-ийн доктор, профессор Дональд М.Ллойд-Жонс нь Northwestern их сургуулийн Урьдчилан сэргийлэх анагаах ухааны тэнхимийн даргаар ажилладаг. Тэрээр мөн Америкийн Зүрхний Холбооны ерөнхийлөгчөөр сонгогдсон бөгөөд дээрх амьдралын энгийн 7 хэмжүүр, шалгуурыг боловсруулсан бүлгийн нэг гишүүн юм.
Ллойд-Жонс хэлэхдээ, “Бид стресс, унтах хугацаа зэргийг жагсаалтад багтаах талаар бодсон. Мэдээжийн хэрэг асуудал, стресс хаа сайгүй байдаг. Энэ бол зайлшгүй тохиолддог зүйл. Түүнчлэн стрессийг хэмжих нь маш хэцүү байдаг. Бид цусны даралтыг найдвартай хэмждэг шиг стрессийг найдвартай хэмжих аргыг гаргаж чадаагүй. Мөн стресс нь хүмүүсийн гарал үүсэл, бусад олон хүчин зүйлээс хамааран өөр өөрөөр мэдрэгддэг” гэжээ.
“Гэсэн хэдий ч стресс нь зүрхний эрүүл мэндэд шийдвэрлэх үүрэг гүйцэтгэдэг. Стресс бол бидний эрүүл амьдралын дүрмийг дагаж мөрдөх чадварыг өөрчлөх нэг хэлбэр юм. Учир нь бид стресст орсон үедээ хооллохгүй байж, биеийн тамирын дасгал хийдэггүй, нойргүй хонодог. Эдгээр нь жин, цусны даралт зэрэгт нөлөөлдөг” хэмээн Ллойд-Жонс нэмж хэлсэн байна.
Нэгээс нь эхэл
Ллойд-Жонс хэлэхдээ “Эрүүл мэндэд ихээхэн ач тустай болгохын тулд долууланг нь хийх шаардлаггүй. Харин сайжруулахад бэлэн байгаа зүйлээсээ эхэлж сонго, ингэснээр таны эрүүл мэндэд бодитой, ашиг тусаа өгөх болно. Түүнчлэн, өөрт тохирсон аргыг сонгож, хамгийн багаас нь эхэл. Энэ бол үнэхээр чухал” гэжээ.
Зарим хүмүүс гар утсандаа илчлэгийг тооцдог эсвэл өдөр бүр идэх ёстой зүйлээ хязгаарладаг аппликейшнүүд суулгасан байдаг. Ллойд-Жонсын хэлснээр зарим үед илчлэгийг хязгаарлаж, дараа нь үе үе мацаг барих илүү сайн арга гэжээ. Та өөрийгөө ямар хүн болохыг тодорхойлох нь чухал юм.
Хэрэв та тамхи татдаг бол тэндээс эхлэхийг зөвлөж байна.
“Тамхи татах нь зүрх, уушгийг гэмтээх архаг эрсдэлт хүчин зүйл төдийгүй бас өдөөх хүчин зүйл болдог” гэж тэрээр хэлжээ. Никотин болон бусад хүчин зүйлүүд таны даралтыг эрс нэмэгдүүлдэг бөгөөд ингэснээр та илүү их стресст ордог байна.
Тамхинаас гарснаас хойш нэг жилийн дотор зүрхний шигдээс, тархины цус харвах эрсдлийг тухайн үеийнхээ тал хувиар бууруулж чадна гэж тэр тэмдэглэв.
Цусны даралтийг хэвийн байлгахад тустай зарим хүнс
- хүнсний ногоо
- жимс
- бүхэл үр
- шош (шинэхэн эсвэл зайлж угаана)
- загас
- Шувууны мах
- самар
- эрүүл тос
Эдгээр хоолонд анхаарлаа төвлөрүүлснээр тэрээр та байгалийн жамаараа натрийн хэрэглээг хязгаарлах болно. Та мөн улаан болон боловсруулсан мах, цэвэршүүлсэн үр тариа, чихэр зэргээс зайлсхийгээрэй.
Эх сурвалж: healthline