₮ 0

No products in the cart.

Уураа барьж сурахад туслах шалгарсан 5 арга

Уур биеийг зовооно, уул морийг зовооно хэмээх зүйр цэцэн үг байдаг. Уурлах гэдэг таны зөв ч бай буруу ч бай өөрийгөө хамгаалах хамгийн буруу бамбай. Харин үүний орон олон талаас нь бодох хэрэгтэй. Уурласан үедээ хэрэгжүүлэх шалгарсан аргуудыг танд хүргэж байна.

Тоол

Энэхүү аргыг хүн болгон л мэддэг. Гэсэн хэдий ч хэрэгжүүлдэггүй. Ямар нэг зүйлд шууд сэтгэл хөдлөлөө даган, хариу өгөхөөсөө өмнө хэсэг хугацаанд азнаад тоолоод үзээрэй. Энэ нь түргэн хугацааны уур бухимдлыг тайлахад тань тустай.

Дасгал, хөдөлгөөн хий

Дасгал хийх, гүйх зэрэг нь уур бухимдлаа тайлах хамгийн амар хялбар арга.  Та хэн нэгэнд уурласан, тэр бодлоосоо салж чадахгүй байгаа бол энэ аргыг туршаад үз. Өөрийнхөө дуртай дасгалыг хийснээр сэтгэл санаагаа засахаас гадна бие бялдрын хувьд ч ашигтай шүү дээ.

Гүнзгий амьсгал

Энэ бол хамгийн хялбар арга. Та нүдээ аниад гүнзгий амьсгаа ав. Мөн уртаар амьсгал авах болон бусад амьсгалын техникийг ашиглах нь уураа тэвчих шалгарсан аргын нэг. Танд зөвлөхөд Йога, бясалгал зэргийг сонирхоод үзээрэй.

Түрхэн зуур амар

Уурлаж, стресстсэн үедээ амарч байгаарай. Бага зэрэг амарсны дараа сэтгэл санаа чинь тайвширч дээрдэнэ. Уураа намжаахын тулд заавал ч үгүй амарч, түр зуур унтах ч хэрэгтэй шүү.

Чимээгүй бай, ярихаасаа өмнө бод

Тантай сөргөөцөлдсөн хэн нэгний өөдөөс зөрүүлэн маргах хэрэггүй. Харин оронд нь хэсэг чимээгүй байгаад үзээрэй. Харилцаа өөрөөр эргэх болно. Мөн ууртай үедээ шууд хариулт өгөхөөс татгалз. Түр зур чимээгүй бодоод асуудлыг шийдэх гарц хайгаарай.

Г.Жаргал

More from the blog

Молон тойны эхийн ач хариулсан судар

Эрт цагт Бурхан багшийг энэ Замбуулинд заларч байх үед Лавай гэгч хөвгүүн эртний сайхан буянаар эцэг, эхээн өргөн хүндэлж, ах дүүсээ асран халамжилж, буяны...

Парисын дагина Эдит Пиафын ээдрээт амьдралын түүх

Францын хайр сэтгэлийн илэрхийлэл болсон, дууны бурханд хувирах увидастай Эдит Пиафын тухай өнөө хүртэл домог болон яригдаж, дурсагдсаар...  СЭТГЭЛИЙН ДУУЛАЛ “Одод”-ын гэх шинж тэмдгээс түүнд байсангүй. Өндөр...

Гаднаа бэлгэст автахгүй байх нь дияан, дотроо сэтгэл үймрэхгүй байх нь самади

Доржсүрэнгийн БОЛДБААТАР “Дияан” гэж юу болох талаар цөөнгүй удаа хөөрөлдөж байсан болохоор та бүхэн тодорхой ойлгоцтой болсон болов уу гэдэгт итгэлтэй байна. “Гаднаа бэлгэст автахгүй...

Цэл залуухан 46 насандаа буцсан ч үзэгчдийн сэтгэлд мөнхрөн үлдсэн Т.Латиф

“... Борхон зүрх минь түг түг хийнэ Бугуйн цаг маань чаг чаг хийнэ...” Ардын уран зохиолч Бавуугийн Лхагвасүрэн агсан “Алиалагчдыг бэлддэггүй юм. Тэд төрөн гардаг” гэж...