₮ 0

No products in the cart.

Х.Аюуш: Хөдөлгөөн заслыг тууштай хийвэл үр дүн гардаг

Хөгжлийн бэрхшээлтэй хүүхдийн сэргээн засах үндэсний төв нь хүлээн авах тасаг, нөхөн сэргээлтийн тасагтай төдийгүй нөхөн сэргээлтийн сургалтын төвтэй. Өдөрт 500 хүүхдийг эцэг, эх, асран хамгаалагчийн хамт сэргээн засах эмчилгээ, сургалтад хамруулах боломжтой. Мөн тус төвд хөдөө орон нутаг, алслагдсан дүүргээс ирсэн хөгжлийн бэрхшээлтэй хүүхдүүд эцэг, эхийн хамтаар 14-21 хоногоор хэвтэн эмчлүүлэх боломжтой. Одоогийн байдлаар долоон хөдөлгөөн засалч ажилладаг. Энэ чиглэлийн мэргэжилтнийг цөөхөн тоогоор бэлтгэдэг учраас тус төвд нэг ангийн төгсөгчдийг ажилуулж байгаа юм байна.

Тус төвийн Хөдөлгөөн засалч Х.Аюуштай ярилцлаа.

-Хөдөлгөөн засал гэж юу вэ?

-Хөдөлгөөн засал гэдэг нь тулгуур эрхтэн тогтолцооны эмгэгийг засдаг. Сэргээн засах баг дотроо ордог мэргэжил.

Сэргээн засах багт хөдөлгөөн засалч, хөдөлмөр засалч гэж байдаг. Хөдөлгөөн засалчид дандаа тулгуур эрхтэний тогтолцооны бэрхшээлтэй хүмүүстэй ажилладаг. Төрөлхийн тархины саажилт, тархины харвалт, булчингийн сулралтай хүмүүс мөн хөл гарын гэмтэлтэй хүмүүсийн хөдөлгөөнийг сайжруулахаар ажилладаг.

Тэгээд спортын тамирчид дээр  булчингийн хүчийг дэмжих, нуруу нугас нь өвддөг бол  суллах дасгалуудаар дээрээс нь хүзүүний өвдөлттэй хүмүүс дээр тулгуур эрхтэн талаас нь ажилладаг.

Мөн эрхтэн талаас нь ажиллана гэвэл жишээ нь зүрхний шигдээстэй хүмүүс ч юм уу эсвэл астматай хүмүүс дээр булчинтайгаа холбоотойгоор өрцний булчин хавирганы булчингийн хүчийг сайжруулах.

Хүн яаж зөв амьсгалах гэдэг талаас нь  зүрхний өвчтэй хүмүүс гүйлтийн зам дээр гүйхээр зүрх нь өвдөөд бахардаад хөл гарын эрээн булчин татаад өвддөг. Эдгээр дээр ачаалалыг яаж тохируулж нэмэгдүүлэх үү гэсэн зорилготой бас ажилладаг.

Булчингийн  сулралтай том хүн байлаа гэхэд бид нар зааварчилгаа өгөөд хийлгэдэг. Эхлээд үнэлгээ хийнэ. Үнэлгээгээр ямар ямар булчин алдагдалтай яаж сайжруулж болох вэ гэдэг талаар тайлбарлаж өгнө.

-Заавал эмнэлэг дээр биш гэртээ ямар дасгал хөдөлгөөн хийж болох вэ Эцэг эхийн зүгээс юуг анхаарвал зүгээр вэ?

-Хүүхэд бүр дээр өөр өөр байдаг. Эцэг эхэд нь заавар өгдөг. Эхлээд үе халаах дасгалаа 10-15 минут хийж халаасны дараагаар хүүхэддээ тохирсон дасгалаа 20-25 минут барьж хийнэ. Мөн ихэнх хүүхдүүд их биеийн тэнцвэргүй байдаг. Хөл гар нь чангараад байхаар тэнцвэр нь алдагдаад зогсоход хэрэгтэй  нуруу, хэвлий, өгзөг, гуяны урд талын гэсэн 4 том булчингуудыг сайжруулахад хэрэглэдэг дасгал байдаг. Тэр дасгал зүгээр байдаг.

-Баруун гар нь хэвийн зүүн гар нь сул байдаг ч юм уу ийм хүүхдүүд бүрэн эдгэрэх үү?

– Ямар ч тархины саатай хүүхэд байсан сэргээн засах болон хөдөлгөөн засах эмчилгээ хийхээр үр дүн гарахгүй байна гэсэн ойлголт байхгүй. Тогтмол сайн хийх юм бол ямар ч хүүхэд дээр үр дүн гардаг. Хөнгөн хэлбэр дээр бол үр дүн маш сайн гарна. Хөнгөн байх тусмаа илүү сайн. Хөдөлгөөн засал бол эмгүйгээр эмчилнэ гэсэн үг.

Г.Бадамханд

More from the blog

Молон тойны эхийн ач хариулсан судар

Эрт цагт Бурхан багшийг энэ Замбуулинд заларч байх үед Лавай гэгч хөвгүүн эртний сайхан буянаар эцэг, эхээн өргөн хүндэлж, ах дүүсээ асран халамжилж, буяны...

Парисын дагина Эдит Пиафын ээдрээт амьдралын түүх

Францын хайр сэтгэлийн илэрхийлэл болсон, дууны бурханд хувирах увидастай Эдит Пиафын тухай өнөө хүртэл домог болон яригдаж, дурсагдсаар...  СЭТГЭЛИЙН ДУУЛАЛ “Одод”-ын гэх шинж тэмдгээс түүнд байсангүй. Өндөр...

Гаднаа бэлгэст автахгүй байх нь дияан, дотроо сэтгэл үймрэхгүй байх нь самади

Доржсүрэнгийн БОЛДБААТАР “Дияан” гэж юу болох талаар цөөнгүй удаа хөөрөлдөж байсан болохоор та бүхэн тодорхой ойлгоцтой болсон болов уу гэдэгт итгэлтэй байна. “Гаднаа бэлгэст автахгүй...

Цэл залуухан 46 насандаа буцсан ч үзэгчдийн сэтгэлд мөнхрөн үлдсэн Т.Латиф

“... Борхон зүрх минь түг түг хийнэ Бугуйн цаг маань чаг чаг хийнэ...” Ардын уран зохиолч Бавуугийн Лхагвасүрэн агсан “Алиалагчдыг бэлддэггүй юм. Тэд төрөн гардаг” гэж...