LOADING

Type to search

Зөвлөгөө

Дасгал хийлгүйгээр жингээ хаях боломжтой юу, Тийм

Share

Байнгын дасгал хөдөлгөөн хийлгүйгээр жингээ хаях олон арга байдаг гэдгийг та мэдэх үү? Хүний бие махбодь хүлээн авч буй калориосоо их хэмжээний калори шатааж чадваас жин хасагдах үйл явц явагддаг байна. Судлаачдын хэлж буйгаар жин хасахад зөв хооллолт, амьдралын зөв хэв маяг дасгал хөдөлгөөнөөс илүү үр дүнтэй гэнэ. Хэрвээ та тогтмол фитнесст явж, өглөө болгон гүйж чадахгүй байгаа бол доорх энгийн аргуудыг туршиж, жингээ хаяхыг хичээгээрэй.

  1. Хоолоо сайн зажилж идэх

Ингэснээр хоол боловсруулах эрхтэн тань илүү хурдан ажиллахаас гадна тархи юу идсэнээ хүлээн авч, боловсруулах боломжийг олгож байгаа юм.

  1. Хоол идэх үедээ зэрэг ямар нэг үйлдэл хийх хэрэггүй

Хооллох зуураа зурагт харж, гар утсаараа тоглох үед хүн анзааралгүйгээр байх ёстой хэмжээнээс хэтрүүлэн идэх магадлал өндөр байдаг.

  1. Уургаар баялаг хүнс хэрэглэх

Уураг хүний биед эрч хүчийг бэлэглэдэг. Ингэснээр өлсөх давтамжийг багасгадаг нь грелин буюу өлсөлтийн гормоныг бууруулдагтай холбоотой аж. Өндөг, загас, тахианы цээж мах болон тараг, самар зэрэг уургаар баялаг хүнсийг тогтмол хэрэглэж байгаарай.

  1. Жижиг таваг хэрэглэх

Хэрвээ та анзаарсан бол бидний хэрэглэж буй хоолны аяга, тавга урьд өмнөхөөс илүү томорсоор байна. Үүнээс харвал хүн төрөлхтөн нэг удаад их хэмжээний хоол иддэг болох бололтой. Тиймээс их харагддаг хэрнээ бага ордог аяга, таваг хэрэглэхийг хичээ.

  1. Түргэн хоолноос ямагт татгалзах

Ихэнх хүний хувьд түргэн хоол гэрийн хоолноос илүү амттай санагддаг учир хооллох хүслийг улам өдөөдөг. Мөн хөнгөн зууш, амттануудаас аль болох “холуур явах” нь дасгал хөдөлгөөнгүй турахад тань туслах болно.

  1. Саахартай уух юм хэрэглэхгүй байх

Илүүдэл саахартай шингэн зүйлс жин хаяхад тань саад болох хамгийн том дайсан. Тиймээс аль болох нэмэлт хольцгүй эрүүл ундаа, цай хэрэглэж байгаарай.

  1. Хооллох болгондоо өмнө нь нэг аяга ус уух

Ингэснээр хооллох дуршлыг багасгадаг бөгөөд бага хоол идээд амархан цадахад тань туслах болно.

error: Content is protected !!