LOADING

Type to search

Decor Ухаарахуй

Бурхны шашинтай хүн бүрийн дагах хэрэгтэй фейсбүүк хуудсууд

Share

Та өөрийгөө бурхны шашинтай хүн гэж бодож буй бол зөвхөн гандан гарч ном уншуулж, гүрэм засал хийлгэх төдийхнөөр бус жинхэнэ охь шим болсон сургаал номыг нь судлах нь зүй юм.

Ийнхүү судлахад тань туслах Бурхны шашны сургаалийг түгээн дэлгэрүүлдэг хуудсуудыг та бүхэнд танилцуулж байна.

Монголын Сүсэгтний Холбоо ТББ

Энэхүү төрийн бус байгууллага нь бүх төрлийн сургалтаа үнэ төлбөргүйгээр явуулдаг, олон жил сурч дамжаа дүүргэсэн эрдэмт лам хуврагуудын лекц яриаг хүргэдэг юм. “Залуу буддист” сургалтыг нь олон жил үргэлжлүүлж буй.

Жавзандамба Хутагт Төв

Жавзандамба Хутагт Төвийг хүмүүс Д.Нямсамбуу гавжийн хөтлөн явуулдаг байсан сургалтаар нь андахгүй мэдэх биз ээ. Шашны боловсрол, ёс суртахууны хичээл, сургалтууд нь тогтмол хугацаатай, үнэ төлбөргүйгээр зохион байгуулахын зэрэгцээ эмзэг давхаргын хүмүүст чиглэсэн буяны ажлыг ч байнга хийдэг.

Монгол багшийн айлдвар

Энэхүү хуудсанд Д.Жавзандорж лхаарамбын айлдаврууд нийтлэгддэг. Тэрбээр 1998 оноос хойш өмнөд Энэтхэгийн Гомон дацанд Буддын гүн ухаанд суралцаж, лхаарамба цол хүртсэн эрдэмт хувраг юм.

Лхаарамбын цуврал хичээлүүдийг уг фейсбүүк хуудаснаас хүлээн авах боломжтой.

BUDDHA Production

Монголд төдийгүй гадаадад болж буй олон хурал, лекцийг шууд дамжуулан орчуулгатайгаар хүргэхийн сацуу олон эрдэмт хуврагуудтай ярилцлага хийн хүргэдэг.

error: Content is protected !!